ემილი დიკინსონი - სული ვისაც მიენდობა (303)

სული ვისაც მიენდობა
ირჩევს, კეტავს კარებს რაზით,
შერჩეულთა ოდენობას
აღარ გაზრდის ხვეწნით, აზმით;

უმზერს გრძნობაგამოცლილი
კარიბჭესთან მომდგარ ეტლებს,
მის მოხიბვლას დაჩოქილი
მეფეთ-მეფეც ვეღარ შეძლებს.

ერთს აირჩევს აურაცხელ
ჯამაათში - ქმრად, ან ცოლად,
გულისყურის  თავის სარქველთ
სხვებისთვის კი ამოქოლავს.

4 ოქტომბერი, 2018 წ.


ორიგინალი მოიძიეთ ნომრის მიხედვით, რადგან ინგლისურად ახლა აქ არ ქვეყნდება.