ვერ დაივიწყებ წარსულ სიყვარულს,
ზღაპარს დაქარგულს კაშკაშა ძაფით...
აწყმოში თუნდაც ფერ გახუნებულს,
სველს და გალუმპულს ღალატის ლაფით...
დაე გიყვარდეს
ახლა სხვა ქალი,
გულში იკრავდე ახალ პირიმზეს...
დაე ის გახდეს
ლექსების მუზა...
მაგრამ მე მაინც ვერ დამივიწყებ...
დაე მის სახელ რომ შეეჩვიო,
იარო იმ სხვის ნავალ ბილიკზე...
მაგრამ ყრუდ "თამოს"
მაინც წარმოსთქვავ,
რადგან ბოლომდე ვერ დამივიწყებ...
მე შევეჩვიე ამ მონატრებას,
ყოველ ახალ დღეს
ცრემლებით ვიწყებ..
დაე სხვა გყავდეს...
მე ერთის მჯერა:
მაინც ვერასდროს ვერ დამივიწყებ