შეხედე ჩემი ვაგონის კუპეს.
მე ვი.აი.პი. მაქვს ბილეთები
შენთვის და ჩემთვის.
მთელი ვაგონი ჩვენია ახლა.
შორს დარჩა სევდა, შიში, ტრაური.
ჩვენ შეგვიძლია ყველა კუპეში...
სანამ ორივე არ ვიგრძნობთ დაღლას,
სანამ ორივეს არ გაგვწყდა ქანცი
გავიზიაროთ ერთი ნუგეში.
მატარებელი მიდის და მიდის,
მიდის და მიდის,
მიდის და მიდის,
პეიზაჟებს და სურათებს ყიდის
თავის მგზავრებზე.
მაგრამ გახსოვდეს,
ჩვენ ვი.აი.პი. გვაქვს ბილეთები.
ჩვენ შეგვიძლია ყველა კუპეში,
ყველა სკამზე და ყველა საწოლზე,
სანამ ორივე არ ვიგრძნობთ დაღლას,
სანამ ორივეს არ გაგვწყდა ქანცი
დავსხდეთ და მშვიდად ვუყუროთ ხედებს,
ხედებს ყოველგვარ სევდისგან დაცლილს.