ბედი აგორებს კამათელს,
გაფანტოს ბოლო ეჭვებიც...
ვინც ტირანიას ამართლებს
და სწამს ცრუ ენამჭევრების,

ნებსით იწონებს სიმხეცეს,
არ სურს ბოროტის დაცხრომა,
ხელახლა მისი სიბეცე
ჯვარზე გააკრავს მაცხოვარს!

ტრიალებს ბედის ბორბალი
გადაირჩევა სანამდე,
ღვთისაგან ბზე და  ხორბალი,
რათა მიუზღოს თანამდებთ.

4 დეკემბერი, ყოვლადწმინდა ღვთისმშობლის ტაძრად მიყვანების დღესასწაული, 2024 წ.