ბატიბუტის  ფერი,
ბატიბუტის  მსგავსი,
ცუგრუმელა  ცუგა
დასუნსულებს  სახლში…

მხიარული,  ცელქი,
შავთვალა  და  შავდრუნჩა,
ჰგავს  ნახატი  ფილმის
სასაცილო  დათუჩას…

ვერსად  ნახავთ  ასეთ
ბუთხუზას  და  სულელს…
მრგვალ,  დაჭყეტილ  თვალებს
არც  კი  აფახულებს…

დასდევს  ყეფით  ნიკას
და  კუდს  აქიცინებს…
ვისაც  სიცილი  სურს,
სწორედ  აქ  იცინებს!..

შესციცინებს  ნიკაც
თავის  ციცქნა  ცუგას…
-  ღმერთსაც  უყვარს,  ვისაც
ცხოველები  უყვარს!..


19  აპრილი  1997
ნიკას  ორი  წლის  იუბილეზე.