ჩემი გემის კიჩო გაცრეცილა.
მალე ალბათ ნავად ჩამოვქვეითდები.
გრძნობა სიგარეტად ჩაფერფლილა,
და სახლის სუნს მხოლოდ გარეთ ვხვდებით.


წუხელ დედაჩემთან ვიკამათე,
დარდის ავიწებე ნაგლეჯები,
ყველა \\\"გენიოსად\\\" გადაიქცა,
მაგრამ მოვა დრო და დამემთხვევით.

ფიქრში გავუყევი ვიწრო ქუჩებს,
და თან გული მირტყავს გიჟურ-გამეტებით,
უკვე დავიღალე ფარსი ღიმილით და
ხალხის დაჯღაპნილი რაღაც მანერებით.


...თურმე გემის კიჩო გაცრეცილა.
...დარდის ავიწებე ნაგლეჯები.
ჩემთვის ერთი ჩეროც ვერ ვიპოვე.
(ნეტავ ზღვაში მაინც დავეტევი?)
ღამე სიგარეტთან ჩაიფერფლა...
და სახლის სუნს მხოლოდ
გარეთ ვხვდებით...