ციდან უხმაუროდ მოდის
ციცქნა მოფარფატე ფიფქი,
მიწას წააფერფლავს მალე
მერე ჩვენთან მოთოვს ფიქრით.
მთვარეც გაფითრდება ცაზე,
ღრუბელს აათრთოლებს სხივი,
ცაში ბუხრის კვამლი ადის
მე კი ისევ ლექსებს გიძღვნი...
ახლა გეცინება ჩემზე
გარეთ გულმოდგინედ ბარდნის,
ჩვენი სიყვარულის ღამეს-
ლექსებს ვუნაწილებ მაინც.
ვიცი მაპატიებ ღალატს
თუმცა მეტოქე გყავს ფლიდი,
ისე შემიტყუა მუზამ
შენთვის თითქმის ვეღარ ვიცლი.
უკვე შეეგუე კარგო-
არ გყავს მეოჯახე ცოლი,
ჩემი პოეზია გართობს
ვახშმად ლექსები გვაქვს, ფიქრის...
ლექსებს წაგიკითხავ გზნებით
მერე ჩაგეკვრები მკერდში
გარეთი ისევ ბარდნის მოთქმით
ჩვენ კი სიყვარულით ვთბებით.