შენზე ფიქრში ქალაქის,
ყველა ქუჩას დავივლი,
მერე კაშნე ცისფერი
ყელზე შემოგვეხვევა.
მხოლოდ მარტო ჩვენ ორნი
თითქოს ყველამ დაგვღალა,
ახლა მივხვდი ფერია
თურმე როგორ მიყვარხარ.
გაივლიან წამები,
წელი წელს გადაასწრებს,
სიყვარული დარჩება
ჩვენ ორს შორის მანძილად.
მერე დავჯდებოდი და
გასულ დროს ვიტირებდი,
შენს ლამაზ ხმას, შენს სახეს
როგორ დავივიწყებდი.
მერე ხშირად გეტყოდი,
(ხომ არ შეგეცოდებით?)
თურმე როგორ მიყვარხარ,
როგორ მენატრებოდი.