გავყურებ ჭალებს არაგვიანებს,
გავძახი მგზავრებს დანაგვიანებს:
გახსოვდეთ - მტერი არ აგვიანებს!
არც მოღალატე არ აგვიანებს!
რადგან მსოფლიო ასე გარიგდა,
ჩემი სამშობლოც უმალ დარიგდა...
შთამომავალო უდრეკ ხალიბთა,
ვაითუ, სულიც გაგიღარიბდა!
მე საქართველო ვეღარ ვიცანი,
ვეღარ ვიპკურე ნამნი ცისანი,
აბჯარი მცმოდა თუნდაც ხისანი,
არ გავხდებოდი ჯაყოს ხიზანი!
სვეტიცხოველში ზარმა დარეკა,
დარეკა, უფლის ხელით დარეკა...
დღეს საქართველო ითმენს ნარ-ეკალს,
ხვალ საქართველო ამათ გარეკავს!!!