ის ცხოვრობს სახლში...
ფანჯრებიც კი არა აქვს კედლებს,
წუთები მისდევს საათებს და იქცნენ მკვლელებად,
მოგონებები აჩრდილებად ხატავენ ფრესკებს
მაგრამ არავინ არ იქნება ალბათ მლოცველად.
ის ცხოვრობს სახლში
სადაც ღამე თეთრზე თეთრია,
სადაც ფანჯრები ამოქოლეს მრუმე ფერებმა,
სადაც წუთები ფეხაკრეფით მისდევს საათებს,
მოგონებები სადაც იქცნენ სასტიკ მკვლელებად......
ის ცხოვრობს ჩემში.