ტელევიზორი.
რა არის ტელევიზორი?
არც არაფერი,
თუ ამას მე მკითხავთ,
მაგრამ ზოგჯერ ვაფასებ,
რამეთუ ის აღძრავს ჩემში საოცარ სურვილს,
სურვილს რომელიც ყელში მაწვება,
თვალებს მიწითლებს,
თითებს მითამაშებს,
მისი გათიშვის სურვილს.
მით უფრო თუ ვუყურებ ქართულ არხებს.
რა არის პოლიტიკა?
მე თუ მკითხავთ,
პოლიტიკა კატალიზატორია,
რომელიც გეხმარება, გძულდეს ქართული არხები
და არამარტო.
ანუ ძალიან მშვენიერი რამეა.
რა არის სიმართლე?
სიმართლე არის ის, რაც ჩანს ტელევიზორში,
ათ წამში მას შემდეგ რაც,
ქართულ არხზე (და არამარტო) გადის პოლიტიკური გადაცემა,
და ეკრანი ქრება, რომელშიც შემდგომ ხედავ,
შენს თავს.
მე თუ მკითხავთ სიმართლე სწორედ ეს არის.