შენ შეგერკინა ძლიერი სენი,
არ შედრკი, ძველთა წესით ილოცე.
სამშობლოსათვის არწივის ყელი
ვაჟკაცმა მედგრად შეისისხლხორცე.

სისხლს მიმღვრევს შენი ლექსის ძარღვები
ბეჩავს მუხლები მომცა მგელისა.
ლაღად იმღერე, შემდეგ წახვედი,
წახვედი მხოლოდ ოცდაექვსისა.

მეც ოცდაექვსის შევსრულდი დღეს და
შენებრ სამღერლად ამაოდ ვილტვი.
ვერ შეგილახა სახელი სენმა
დაგიხრა მხოლოდ ნატკენი ფილტვი.

შენ მამულს ღვთიურ ლექსების სახით
უძღვენ უკვდავი ლოცვა შვილისა
მე უხმო ნეტავ წავიდე საით
როცა გავხდები ოცდაშვიდისა.

მიჯობს ახლავე დარცხვენილ ენით,
ვთქვა აღსარება რწმენით უფლის წინ,
შემომეყაროს ეგ მძიმე სენი
და შევერკინო შენი გულისთვის.