ნაწარმოებები


ახალი კონკურსი “ლილე-2020“     * * *     დაწვრილებით ფორუმზე: ურაკპარაკის ფორუმი >> კონკურსები >> ლილე-2020     * * *     http://urakparaki.com/?m=13&Theme=1519     * * *    

ავტორი: მუხრან აბაშიძე
ჟანრი: პროზა
27 ივლისი, 2018


ჩემი დილა

ჩიტები, ჩიტები აჭიკჭიკდნენ... უკვე რამდენიმე კვირაა, მათი თავისუფალი სტვენა ერწყმის ჩემ თავისუფალ მოსმენას და მე ვვარდები ვარდებიანი სილამაზის ტყვეობაში. სულის ბუნებაში, ამ წუთებში, ზეზეიმობენ სიხარული და თავისუფლება. ეს ხდება ასე : დილით, გაღვიძებისთანავე, ვაღებ ფანჯრებს გულისკარებითურთ; გაღებისთანავე მესიხარულებიან სუფთა ჰაერი და ტკბილი სიმღერები და მე გავდივარ ჩემი სამყაროდან ნატიფი სიყვარულის ყვავილების ზღვაში, სადაც უმშვიდესი სიმშვიდის კონებსაც ვკრავ, მაგრამ უფრო - მოფერებას ვეფერები. რამდენიმე თავდავიწყებული წუთის შემდეგ გავდივარ გარეთ, სადაც მე ვხედავ გათენებას, გათენება - ხედავს ჩიტებს და მეც ვხედავ ჩიტებს. მე მსურს, დავხატო ჩიტები; მე მსურს დამხატონ ჩიტებმა და მე მსურს, ჩიტები იყვნენ ნახატები - ჩემს მეხსიერებაში... ვლოცულობ... ჩიტებიც ალბათ ლოცულობენ და ლოცვაც ალბათ ჩიტებია...მერე ვემზადები სამსახურში წასასვლელად. გზაში მეწევა მზე - ამოდის. აი, უკვე წავალ კიდეც - იმ იმედით, რომ მე მომეწევა მზე...

კომენტარები ილუსტრაციები რეცენზიები