ნაწარმოებები


მოწვევა ხელოვანთათვის http://www.epfound.ge/wp-content/uploads/2019/02/Call-for-Applications_Awareness-Raising-Campaigns.pdf     * * *         * * *     მუხრანის პრემია - პოეტური მინიატურები     * * *     დაწვრილებით ურაკპარაკის ფორუმზე http://urakparaki.com/?m=13&Forum=37&Theme=1479&st=0

ავტორი: დერვიში
ჟანრი: იუმორისტული
2 სექტემბერი, 2018


მეუბნებიან

მეუბნებიან: გივარგი,
ლექსები აღარ გივარგა,
მე კი მათ რიდით ვპასუხობ:
ეს ფაქტი თქვენ ნუ გაწუხებთ!
მეუბნებიან: ფანტავო
აზრებს და როგორც ფანტომი,
დაძვრები მხოლოდ რითმაში,
სიტყვების გიყვარს თამაში.
მეუბნებიან: მოძველდა
კონვენცია და მოგვერდი,
ასეთებს უნდა უკეთო,
ყველა მომხდურს და უკეთურს.
მეუბნებიან: გახუნდა
სიტყვები, მე კი ახუნდი,
წვერზე ვიკიდებ მათ აზრებს,
რაც მათ უთუოდ აბრაზებს.
მეუბნებიან: შეეშვი,
არარა ყრია ლექსებში,
მოგვერდი უნდა უკეთო,
ასეთ მომხდურს და უკეთურს!
მეუბნებიან: გივარგი,
ლექსები აღარ გივარგა,
მე კი მათ რიდით ვპასუხობ:
ეს ფაქტი თქვენ ნუ გაწუხებთ!

კომენტარები ილუსტრაციები რეცენზიები