ქრისტესსისხლა

რაც მაცხოვრის
წმინდა სისხლმა
ცოდვებისგან
გამოგვიხსნა
და  ქართველმა
მისხალ–მისხალ
მისი მსხვერპლი
შეისისხლა,
ყოველ ზაფხულს,
დილით სისხამ
იღვიძებს და
კვირტებს ისხამს,
თან გვახსენებს–
ვინ დაგვიხსნა
ცოდვებისგან–
ქრისტესსისხლა.



მზია თვალაბეიშვილი

ქრისტესსისხლა (ქრისტესისხლა) – ყვავილოვანი მცენარე ნარინჯისფერი წვენით.

დაიწერა 2016 წლის 18 აპრილს

ეს ლექსი პირველად დაიბეჭდა 2017 წლის ქრისტიანული პოეზიის მე–7 ფესტივალ „წმინდა ნინოს ჯვრის“ საფინალო კრებულში. შემდეგ კი იმავე წელს ლიტერატურულ კონკურს „ემიგრანტის წერილის“ ფინალისტთა ნაწარმოებების სამი წლის შემაჯამებელ კრებულში.