(მხოლოდ მგლებში: არარსებულია სქესობრივი კავშირი მშობელსა და შვილს შორის; უმწეო ლეკვებს უფროსები წვრთნიან, განურჩევლად ნათესაობისა; შეუძლებელია მათი მოთვინიერება...)

მგელო, მგელო, გენაცვალე სირუხეში,
ოღონდ დაგმე მაგნაირი სიუხეშე.
მიაქროლებ სიმსუნაგის გარდა გულსაც, -
ფეხს დაჰკრავ და ცხრა მთას იქით გადაჰქუსლავ.
მყუდრო მზერით მიგამსგავსე (შენ) კრავიკოს,
თითქოს ერთად ორი სუნთქვა შეკრულიყოს.
- მოფერებას ნამდვილობის გამო ვბედავ, -
ბევრს ღაღადებს: ეგ მდუმარე გამოხედვა; -
ერთადერთო, ვინც ცირკშიც კი არ თამაშობ;
თუმც გჩვევია გულგრილობა და თარეში,
ყრმას უფროსი წვრთნი  (უცხოსაც); ჩვენ კი ხან ღვიძლ
შვილს ყუთში ამ რითმასავით ვასუფთავებთ,
კაცს - ნამუსიც ლამის არ ეპატიოსა,
პლანეტაზე - ვეძებთ შენებრ პატიოსანს.
კაცმა მეტი ცხოვრებაში რა ისურვოს?
ცხოველებში - მძლე ცეცხლივით დანისლულო,
შავ - თეთრია დედამიწა; - მო, ნუ ავობ, -
მზე - წვიმური; ჩქარი ქარი - მონიავო...
მგელო, მგელო, გენაცვალე სირუხეში,
ოღონდ დაგმე მაგნაირი სიუხეშე.

(შენიშვნა: ,,ყრმას უფროსი წვრთნი  (უცხოსაც); ჩვენ კი ხან ღვიძლ
შვილს ყუთში ამ რითმასავით ვასუფთავებთ," - ში იგულისხმება - დასუფთავების ყუთებში მიტოვებული ჩვილები)

                                                  ავტორი: მუხრან აბაშიძე, 2019 წ.