ნაწარმოებები


ახალი კონკურსი “ლილე-2020“     * * *     დაწვრილებით ფორუმზე: ურაკპარაკის ფორუმი >> კონკურსები >> ლილე-2020     * * *     http://urakparaki.com/?m=13&Theme=1519     * * *    

ავტორი: შირო
ჟანრი: პოეზია
8 მაისი, 2019


წვიმს

შემატოვე განთიადს და
გარეთ წვრილად ცრის.
მენატრება გაზაფხული -
ოქროს სხივი მზის.
დავიტირე უშენობა,
გულში ავად წვიმს.
მეღირსება გაზაფხული?
ვის შევჩივლო, ვის...
დამეფლითა ლურჯი კაბა,
აღარც ტევრი თმის
არ ციმციმებს მზეში გიშრად -
დაემსგავსა ფთილს.
გარეთ ისევ წვრილად ცრის და
სულში ავად წვიმს.
ნუთუ მოვა გაზაფხული,
ვისღა ვკითხო, ვის...
სულში ისევ ჩიტი გალობს,
ლაღობს ლურჯი ფრთით.
ელოდება გაზაფხულს და...
ვაი რომ ისევ წვიმს.

კომენტარები ილუსტრაციები რეცენზიები

საიტის წევრს ნიკით:  გიორგი ებანოიძე ვულოცავთ დაბადების დღეს