ნაწარმოებები


ურაკპარაკის დასახმარებლად!!!     * * *     გთხოვთ შეიხედოთ ფორუმზე: #ურაკპარაკის ფორუმი >> ლიტერატურული საიტის შესახებ >> ურაკპარაკის დასახმარებლად -> http://urakparaki.com/?m=13&Forum=1&Theme=1502#Last

ავტორი: მძიმე ჯვარი
ჟანრი: პოეზია
3 ივნისი, 2019


...

ვნების ქარცეცლში ჩაღვენთილს
ვეტრფი მაგ თვალთა დაისებს,
მწველ სურნელს ალვა საკმევლის,
ტუჩებს ანცსა და ალისფერს.

წყევლით დასეტყვილს რამდენი
სითბო ჰკმიე და აფრქვიე-
ეგ სურნელება ქალღმერთის,
ზედ სულზე შემოახვიე,

შენი ალერსით ნაკმევი,
გული დაიტევს ქარიშხლებს,
თუნდ სიტკბო ვნების ნაკვერჩხლის,
შიგ სულში შემონახშირდეს.

კომენტარები ილუსტრაციები რეცენზიები