ნაწარმოებები



ავტორი: ოთარ რურუა
ჟანრი: პოეზია
20 ივლისი, 2019


ბალადა თვალჟუჟუნა გოგონებზე

ჩემს ქუჩაზე სეირნობენ
თვალჟუჟუნა გოგონები,
მოვა დრო და გავიხარებ
ტკბილზე ტკბილი მოგონებით.

არ მეგონა, თუ ოდესმე
ფიქრი დარდებს მომისევდა,
მეც ვუყვარდი ერთ კარგ გოგოს,
ვით ძიძიას - ონისე და...

მაგრამ მერე უნებლიედ
ჩვენი გზები გაიყარა,
იმის მერე სათანადოდ
გულმა ვეღარ გაიხარა.

გამიტაცებს მოგონება,
სიხარულიც მოვა ჩემთან,
თვალჟუჟუნა გოგონებმა
ეშხით დამწვეს დედისერთა.

ამამღერეს გიტარითურთ
ბიჭად - კაცი დარდიანი,
სიყვარულის სადიდებლად
გვლოცავს მიწა მადლიანი.

კომენტარები ილუსტრაციები რეცენზიები