მე ყოველ ღამით მესიზმრება რომ ვარ პილატე
და ხელებს შენი ცრემლებით ვიბან.
და არ მაწუხებს არასოდეს
სინდისის ქეჯნა
ან იდუმალი შეგრძნებები იმის შესახებ,
რომ შეიძლება გავაღვიძო შენში უფალი.
მე ყოველ ღამით მესიზმრება რომ ვარ პილატე
და ხელებს შენი ცრემლებით ვიბან.
ლამის დილამდე გაგიჟებით ყეფენ ძაღლები,
მათში საკუთარ ეგოიზმს ვხედავ.
დღეს ჩემი სუნთქვა ცოდვებივით მძიმეა თითქოს.
წვიმა მძივივით მოუყვება ჰაერის ნაკადს
და ვახელ თვალებს...
მხოლოდ ერთი ფიქრი მიტაცებს:
თუ რა მსუბუქი იქნებოდა ჯვარცმა შენს ტანზე.
ჰო, ყოველ ღამით ბანაკდება შენში უფალი
და მაძლევს ნებას
შენი წმინდა ცრემლი ვიხილო.
და ყოველ დილით მხოლოდ ერთი აზრი მაღვიძებს:
რა უფრო დიდი პოეზიაა-
- იყო პოეტი თუ
უბრალოდ გაუგო პოეტს.