ნაწარმოებები


ურაკპარაკის დასახმარებლად!!!     * * *     გთხოვთ შეიხედოთ ფორუმზე: #ურაკპარაკის ფორუმი >> ლიტერატურული საიტის შესახებ >> ურაკპარაკის დასახმარებლად -> http://urakparaki.com/?m=13&Forum=1&Theme=1502#Last

ავტორი: ოთარ რურუა
ჟანრი: პოეზია
21 ოქტომბერი, 2019


ჩემი რწმენის სანთელი ხარ

გულს ჩამესმის კვლავ შენი ხმა,
საქართველო გიცემს მკერდში,
ჩემი რწმენის სანთელი ხარ, -
დანთებული ალავერდში.

შუბლზე გცხია მირონი და
ღმერთმა მოგცეს წყალობანი,
მსურს გესმოდეს ილორიდან
სიყვარულის გალობანი.

მე სანამდე ფეხზე ვდგევარ,
გაფასებ და გაფასებდი,
შენი თანამედროვე ვარ,
გულში მტკივა აფხაზეთიც.

ისევ მესმის ნაცნობი ხმა,
საქართველო გვიცემს მკერდში,
ჩემი რწმენის სანთელი ხარ, -
დანთებული ალავერდში.

კომენტარები ილუსტრაციები რეცენზიები