ბავშვობის შიშებზე, იმ გახურებულ მახათზე მოგიყვებით, თოთო ბიბილოში რომ გამირჭო ზედა სართულის მდგმურმა; კაფანდარა ცოცხის ჩხირზე, საყურის როლს რომ კარგად ირგებდა; ჩქარ საქანალეზე - დედის კალთიდან წყდებოდი თითქოს; შავ სალოგინეზე, რომელიც კუბოს ჰგავდა და შიგ მკვდრები ცხოვრობდნენ; მიცვალებულის ლილისფერ სახეზე, ყბა ჩემს თვალწინ, ჯერ კიდევ თბილს რომ აუკრეს; მათემატიკის პედაგოგზე, მის მწარე ალუმინისფერ სახაზავზე; პედოფილზე, სკოლის კუთხეში ასოს რომ არხევდა, სტვენით გვიხმობდა პატარა გოგოებს, ჩვენ კი კისრისმტვრევით შინ გავრბოდით; სოფლის სახლის ძველ ბუფეტზე, ჩარჩოში გამომწყვდეულ დიდი ბაბუის მზერაზე, ხან რომ მიღიმოდა, ხანაც მიბღვერდა; სტომატოლოგის სკამზე, მახინჯ ექთანზე ხელ-ფეხს რომ მიბამდა; ნოემბრის თვეზე, ჭინკა რომ გვსტუმრობდა. თუ ხილს სარკმელთან არ დავუტოვებდი, იმ ღამით თვალებსაც ამომთხრიდა; სხვენზე მოხტუნავე თრიაზე - თითქოს უსაკურთხო სული დახეტიალობდა; საკუთარ ჩრდილზე, რომელიც დასახრჩობად დამყვებოდა; ჭაში ჩავარდნილ ჩემივე სახეზე, სათლის რახუნით რომ ვლამობდი გადარჩენას; ძაღლის ყმუილზე, წამიერად ვსამდებოდი და მივყავდი ორ მკვდარ მეზობელს; დედის ეჭვიანობაზე მამის მიმართ, ჩუმ ჩურჩულზე, არ პატიებაზე; შიშები მარტოობაზე; ქალწულობის შენარჩუნებაზე, ქორწინებამდე; ვწერ და ვიღიმი. ვწერ და ვბერდები. ვწერ და სულ სხვანაირად მეშინია.
კომენტარები |
ილუსტრაციები |
რეცენზიები |
|
5. კარგია, მომწონს 5 კარგია, მომწონს 5
4. საინტერესო შიშებია))) საინტერესო შიშებია)))
3. ყველა ამ შიშებთან ერთად მე ომის დაწების შიშიც მქონდა) ყველა ამ შიშებთან ერთად მე ომის დაწების შიშიც მქონდა)
2. ყველა ამ შიშებთან ერთად მე ომის დაწების შიშიც მქონდა) ყველა ამ შიშებთან ერთად მე ომის დაწების შიშიც მქონდა)
1. ერთადერთი სიტყვა, მოგიყვებით მეზედმეტა, ისედაც ვარდება ჟანრიდან და თან არც გვიყვები. სხვა მხრივ მაგარია. ერთადერთი სიტყვა, მოგიყვებით მეზედმეტა, ისედაც ვარდება ჟანრიდან და თან არც გვიყვები. სხვა მხრივ მაგარია.
|
|
მონაცემები არ არის |
|
|