ნაწარმოებები



ავტორი: მზია თვალაბეიშვილი
ჟანრი: პოეზია
27 იანვარი, 2020


ნინო /კაბადოკიელი/

ნინო   
                                                                           
წამოვიდა, მოიტოვა
უკან კაბადოკია,                                                               
შორი გზა აქვს გასავლელი,                                           
მოდის უფლის კონკია. 
                                                 
სულ უბრალოდ აცვია და                                               
ქამრად კაბას თოკი აქვს.
წყალსაც მხოლოდ წყაროდან სვამს,                             
და არათუ კოკიდან. 
 
არც საგზალი წამოიღო,                                                 
პურის ყუა ჰყოფნიდა.
ქადაგება სურს უფალზე,
მაცხოვარზე ყოვლის თქმა.

საქართველოს მოადგა და                                                     
გადმოჰხედა კორდიდან,
დაინახა ცა ფირუზი
ზურმუხტ ხმელეთს ჰკოცნიდა.

სიყვარულით შეკრა ჯვარი                                           
ვაზის ლერწის ყლორტიდან
ქრისტეს ჭეშმარიტი რწმენით             
უძლეველი ყოფილა.



   
ავტორი: მზია თვალაბეიშვილი
დაწერილია 2014–ში ან 2015–ში

ლექსი დაიბეჭდა ლიტერატურულ კონკურს „მოდინახეს“ 2014–2015 წლების ფინალისტთა რჩეული ლექსების კრებულში

კომენტარები ილუსტრაციები რეცენზიები