ნაწარმოებები


“წერილების კონკურსი“     * * *     დაწვრილებით ურაკპარაკის ფორუმზე კონკურსების თემაში     * * *     http://urakparaki.com/?m=13&Theme=1517     * * *    

ავტორი: გილო
ჟანრი: პოეზია
20 მაისი, 2020


დაბრუნება

როცა გეტყვი როგორ ფართოვდება მათი თვალები,
ბიოლოგიური პოზებისგან მოკუნტული სხეული,
სიზმრის ნარჩენებს აირეკლავს.
ზამბარების გაზარმაცებული დრეკადობა
წამოხტომას ისე გაართულებს,
როგორც მათემატიკურ ამოცანას ბუნდოვანი პირობა.
შენ ერთით მეტი სახე გაგიცვდა.
ჩემი ახალი სიცოცხლე კანის დახეთქვის მიზეზად გაასაღე.
ხმაურის იძულება მიუღებელ ქადაგებად გადაიქცა.
არ ვეთანხმები ასეთ სამყაროს,
რომელშიც ერთი პეშვი ოქრო უფრო მეტია,
ვიდრე სანახევროდ შეფაკლულ ღაწვებზე ჩამოღვენთილი ტირილის ტექტონიკა,
ჩაცვენილი ლოყების ასიმეტრია,
ყვრიმალებით ნაკარნავი თანაგრძნობა,
ან კიდევ სოციალური დამკვიდრებისთვის კონტრავერსიული სილუეტი.
იწექი ასე გაუნძრევლად მთელი სხეულით.
ჩააწე ყურები სიმშვიდეში.
დაიგუბე ხასიათის წონასწორობა...
გქონდეს ჩემი იმედი იშვიათად,
რომ აუცილებლად დავბრუნდები
და ქოთნის ყვავილების ფოთლებიდან
ურწყავი მიწებისკენ, ჩემი მონატრება უკანასკნელად ისკუპებს...

3 მარტი 2020 წლის

კომენტარები ილუსტრაციები რეცენზიები