ახალ წელს ჩემმა ცოლმა
გადაახვია ტოლმა,
მერე ქორწილის კასეტა,
ტრადიცია გვაქვს ასეთი.
ახალ წელს ჩემმა სიდედრმა
მაჩუქა მისი სიმდიდრე,
პატარა ვილა-კოჯორში,
ყალყი შემიდგა ქოჩორში.
ახალი წელი, რა ცივი,
რა სქელი გახლდათ საცივი,
ფიქრები ბოლივიაზე,
მწყერზე და ოლივიეზე.
ახალ წელს ახდა ოცნება,
ცოლი დაიქცა კოცნებად,
დღე გამითენდა ცისმარე,
რა ტკბილი იყო სიზმარი.
ახალ წელს ჩემმა ცოლმა
გადაახვია ტოლმა,
მერე ქორწილის კასეტა,
ზმანება მქონდა ასეთი.