| ავტორი: თანანა ჟანრი: პოეზია 12 იანვარი, 2021 |
ესეც გაივლის! - საკუთარ თავს ჩუმად ვამხნევებ, თმენის ულუფებს ვინაწილებთ მე და განწყობა... იღბალს ვუღიმი, სულ არ ვიცნობ თუმცა სახეზე, ერთ მშვენიერ დღეს თვითონ მოვა ჩემს გასაცნობად! ამასაც შევძლებ! - ვუმეორებ ნებას ყოველდღე, სისუსტეს ისე ვატუსაღებ, როგორც პატიმარს. ჩემი ფიქრები რაღაცას კი მიედ-მოედნენ: რა შეძლებაო, რის იმედი, რა გარანტია?.. ყოფა ხან მომყეფს, ხან ლაქუცა ხდება ფინია, თუ მაძღარია, ცდილობს თავიც კი მომაწონოს. ბედს შევუთვალე, რომ მარცხისაც არ მეშინია, ვარდნაც რაღაცით ფრენას მოჰგავს, უწონასწოროს... ესეც გაივლის! - საკუთარ თავს ისევ ვამხნევებ, ხარის წელიწადს ქედს იმაგრებს ჩემი ნიკორა! მალე ზამთარიც ჩამოიხსნის ყინვის სამხრეებს, და გასაძლები იქნებ მართლაც არა იყო რა... 12.01.21
კომენტარები |
ილუსტრაციები |
რეცენზიები |
|
5. ამ ლექსის დაწერიდან ზუსტად ორ დღეში მოვიტეხე ფეხი და ჯერაც ყავარჯნით დავდივარ: "ვარდნაც რაღაცით ფრენას მოჰგავს, უწონასწოროს", ჰოდა, ზუსტად ასე "ვიფრინე ტელევიზიის კიბეზე"... არის პოეზიაში რაღაც წინასწარმეტყველური... :) ამ ლექსის დაწერიდან ზუსტად ორ დღეში მოვიტეხე ფეხი და ჯერაც ყავარჯნით დავდივარ: "ვარდნაც რაღაცით ფრენას მოჰგავს, უწონასწოროს", ჰოდა, ზუსტად ასე "ვიფრინე ტელევიზიის კიბეზე"... არის პოეზიაში რაღაც წინასწარმეტყველური... :)
4. ბედს შევუთვალე, რომ მარცხისაც არ მეშინია, ვარდნაც რაღაცით ფრენას მოჰგავს, უწონასწოროს. ბედს შევუთვალე, რომ მარცხისაც არ მეშინია, ვარდნაც რაღაცით ფრენას მოჰგავს, უწონასწოროს.
3. კარგია! წარმატებების და სიხარულის წელი გქონოდეთ! კარგია! წარმატებების და სიხარულის წელი გქონოდეთ!
2. ესეც გაივლის...
მრავალ ახალ წელს...
+ ესეც გაივლის...
მრავალ ახალ წელს...
+
1. ჩემთვისაც კარგი გასამხნევებელი ლექსია. +5 ჩემთვისაც კარგი გასამხნევებელი ლექსია. +5
|
|
მონაცემები არ არის |
|
|