ეცეკვებოდა ნუშს ნიავი,
ცერზე შემდგარი.
ეფინებოდა თვალს სიამე,
მზე ცას ებარა...
ეკავათ მერცხლებს ნისკარტებით
კაბა მირკანის.
ცა კი შვიდფერა ცისარტყელას
ქამარს იკრავდა...
სულ მზე უნდოდათ, თვალნახული
ია-ენძელებს...
მიწას ხატავდა გაზაფხული
დიდი ფერმწერი...
კვირტებს ფერადი თავსაფრები
თავზე წაეკრათ.
ჰგავდნენ ქარები ჩასაფრებულ
ღრუბლის მარეკებს...
ეფერებოდა სხივი ხეებს
ათინათებით.
გაზაფხულია, გაიხედე
მზეს აქვს სათქმელი...
02.02.21