ნაწარმოებები



ავტორი: მათე
ჟანრი: პროზა
27 თებერვალი, 2009


რაინდის რომანი (კარი პირველი-1 თავი)

                    კარი პირველი

                    პირველი რაინდი

                                                ,,მე შევქმენი მიწა
                                                        და ადამი გავაჩინე მასზე...’’
                                                                                    ეს. 45.12.


                            ადამი

                                            ,,გამოსახა უფალმა ღმერთმა ადამი...’’
                                                                                        დაბ. 2.7.
                                         
 
ნათლის უფაქიზესმა ცახცახმა
                                თვალი მოსჭრა და შეაფიქრიანა...
          ,,...სად არის?...’’
ზურგს უკან იგრძნო თხიერი და მაგარი...
                                  ...და ვერ გაეგო, რისგან რა იყო?!...
          ...არ ჰქონდა სიტყვა...
ხელი ეხება სხეულს და მიწას...
                                        ...სახესთან მიაქვს...
...და... ჩერდება...
                    ...არ იცის, ვის აქვს?!...
...და... რას ნიშნავს ის,
                        რაც უსაზღვროა...
                                            ...და ეტმასნება?!...
სხეული ებერება...
                      ნელ-ნელა ევსება ტმასნია სივრცით...
თვალი ეხილება...
                        ,,კვლავ ნათელი!...’’
უსაშველო...
              უთვალო...
                          ათასფერი...
და... ყური უხედნელი
                        უცებ ეღლება ამდენი ხმისგან...
...ხმა იწელება...
                იბერება...
                            და აღწევს მის აზრს სიტყვა...
,,...იცი, შენ ვინ ხარ?...’’
,,ვინ ხარ?...
              ვინ ხარ?...
                            ვინ ხარ?...’’
და უცებ, შორიდან, თუ შიგნიდან ამოსდის ეს ხმა:
,,...ვინა ვარ?!...’’
  ,,ვინ ვარ?...
                ვინ ვარ?...
                              ვინ ვარ?...’’
და კვლავ იჭრება მასში ცოცხალი სიტყვა:
,,...შვილი ხარ,
                    ძე ხარ!...’’
და... ისევ შიგნით, მის არსებაში გაჰკივის ვიღაც:
,,...ვინა ხარ?!..”
    ,,ვინ ხარ?...
                  ვინ ხარ?...
                                ვინ ხარ?...
და ამბობს სიტყვა:
,,მამა ვარ,
            სიტყვა...
                      ძე ხარ,
                                ჩემი ნაძერწი მიწა!...
ადამი გქვია,
              სულით ხარ ცისა!...”
,,...ცისა...
                …...ცისა...
                                  ...ცისა...’’
...და იყო დღე...
                      იყო ღამე...
                                    ...და... ცაზე ამოვიდა
პირველი რაინდის მთვარე.

                                              2004წ. 21 თებერვალი.





კომენტარები ილუსტრაციები რეცენზიები