ნინო დარბაისელი სტრონი
,,ვით მამალი სხვის მამალსა”
ძვირფასებო! ეს დღეებია, ვეცნობი გულისშემძრავ ამბებს ოკეანის გაღმიდან და მექმნება შთაბეჭდილება, რომ საქართველოში დენთის სუნი ტრიალებს, თუ სიტუაცია დაუყოვნებლივ არ განიმუხტა, სამოქალაქო ომამდე ერთი ნაბიჯია. “ვით მამალი სხვის მამალსა”… - და მტერსაც ეს უნდა! მივმართავ ყველა მხარეს: თუ ხვდებით, დიდად რომ არ განსხვავდებით თქვენი აგრესიულობით იმათგან, ვისაც აგრესიულობის გამო ეაგრესიულებით? თუ გრძნობთ თქვენს წილ პასუხისმგებლობას იმ საშინელების გამო, რაც მოხდა, თუ სულ სხვების ბრალი გგონიათ ან არც გგონიათ, მაგრამ სხვები გინდათ დააჯეროთ? ათი ცხვრისა და ერთიც მგლისაო, ნათქვამია. საუკუნეთა, ათასწლეულთა მანძილზე ერის მენტალობა ჩამოყალიბდა იმგვარად, რომ ის, რასაც თქვენ ემხრობით და პრაქტიკაში დანერგვას ცდილობთ, ქრისტიანული სარწმუნოების კვალად, მიიჩნეოდა და მიიჩნევა ერთმნიშვნელოვან ცოდვად. ასე მოდიოდა მამა-პაპათაგან დღემდე. ამ ადამიანებსაც ასე სწამდათ და სწამთ. მათგან განსხვავებით, ადამიანების სხვა, მცირე ჯგუფმა ძირითადად, მიიღო განათლება დასავლურ უცხოეთში, მიიღო დაფინანსება სხვადასხვა პროექტებით იმ ღირებულების დასანერგად, რომელსაც ქართული მენტალობა არ შეიწყნარებდა ბოლო დრომდე, მაგრამ უფრო აიგნორებდა, ვიდრე ებრძოდა (ყოველ შემთხვევაში, მე არ მინახავს, თუ როგორი იყო სხვადასხვა სექსუალური უმცირესობისადმი ადგილობრივთა აგრესიის სტატისტიკა ადრე და როგორია მას შემდეგ, რაც დაიწყო უცხოეთის მიერ დაფინანსებული ორგანიზაციების მიერ მათი უფლებების ,,დასაცავად”, დანარჩენებისადმი აგრესიული რიტორიკის ინტენსიურად გამოიყენება, სხვადასხვა საჯარო ღონისძიებების გამართვა. ვინმე მიპასუხებს? - მათი მუშაობის შედეგად, გახდა თუ არა საქართველოს ხალხი, საზოგადოება უფრო ტოლერანტული ან უფრო აგრესიული სექსუალური უმცირესობების წარმომადგენელთა მიმართ. როგორია კრიმინალური სტატისტიკა? ზოგადი სტატისტიკა? ეს ვინმემ შეისწავლა? ახსნა?)
ერთი რამ ბევრს ეშლება და გარკვევით მინდა ვთქვა:
სექსუალური განსხვავებულობა კი არაა დასავლური ღირებულება, არამედ ასეთ ადამიანთა მიმართ შემწყნარებლური, ტოლერანტული დამოკიდებულება. ეს დამოკიდებულება კი იმ აგრესიული, ტლანქი მეთოდიკით, პატივცემული არასამთავრობონი რომ მიმართავენ, მოუმზადებლობის ან ნახევრადმომზადებულობის გამო, არაფრით მიიღწევა…. თუ ჩემი არ გჯერათ , შედეგი , ფაქტი გაქვთ სახეზე! …ხოლო ვინც ასეთ ადამიანებს, ადვილად მოწყვლად სექსუალურ უმცირესობათა წარმომადგენლებს, როგორც ბრმა იარაღს, საკუთარი ანგარებისთვის იყენებს, ფარად იფარებს, ისიც მოძალადეა, ოღონდ ფარსუკან შეყუჟული და იქნებ ქვეყნისთვის უფრო საშიშიც. მე მიყვარს საქართველო, მე მინდა მასში ევროპული, დასავლური ღირებულებები სწორად ვიხილო დანერგილი და არა ისე გაუკუღმართებულად, როგორც დღეს ცდილობენ ამას. ნებისმიერი პირი, რომელიც ხელყოფს ვინმეს ჯანმრთელობას და კანონიერ უფლებებს, ცხადია, კანონის შესაბამისად უნდა დაისაჯოს!
კომენტარები |
ილუსტრაციები |
რეცენზიები |
|
2. "სექსუალური განსხვავებულობა კი არაა დასავლური ღირებულება, არამედ ასეთ ადამიანთა მიმართ შემწყნარებლური, ტოლერანტული დამოკიდებულება." - რა ზუსტად თქვით. ევროპაშიც ებრძვიან გეიაღლუმებს, მაგრამ იქ პოლიცია ერთმანეთთან მიახლოების საშუალებას არ აძლევს ამ ორ ჯგუფს.
ჩვენ უკიდურესობის ხალხი ვართ. ვერ ვგუობთ ჩვენგან განსხვავებულებს. ამრეზით ვუყურებთ მათ. ასეთი ხისტი აზროვნების ადამიანისთვის დამახასიათებელია არამარტო სექსუალური უმცირესობების ათვალწუნება, არამედ მაღლიდან ყურება, მასზე დაბალი სოციალური ფენის წარმომადგენლისთვის. მეორე მხრივ, ასეთ საზოგადოებაში რა გეიაღლუმები აუტყდათ. ხომ ზუსტად იციან რაც მოყვება?! მაინც ცხვირში ჩრიან საზოგადოებას - დღესვე მიგვიღეთ და გვაფრიალებინეთ ჩვენი იდენტობაო. ზარალდება, ისედაც წაქცეული ქვეყანა. მაგრამ, საქმეც იმაშია, რომ იმ დღეს ეს უმცირესობა არ დაურბევიათ.
"სექსუალური განსხვავებულობა კი არაა დასავლური ღირებულება, არამედ ასეთ ადამიანთა მიმართ შემწყნარებლური, ტოლერანტული დამოკიდებულება." - რა ზუსტად თქვით. ევროპაშიც ებრძვიან გეიაღლუმებს, მაგრამ იქ პოლიცია ერთმანეთთან მიახლოების საშუალებას არ აძლევს ამ ორ ჯგუფს.
ჩვენ უკიდურესობის ხალხი ვართ. ვერ ვგუობთ ჩვენგან განსხვავებულებს. ამრეზით ვუყურებთ მათ. ასეთი ხისტი აზროვნების ადამიანისთვის დამახასიათებელია არამარტო სექსუალური უმცირესობების ათვალწუნება, არამედ მაღლიდან ყურება, მასზე დაბალი სოციალური ფენის წარმომადგენლისთვის. მეორე მხრივ, ასეთ საზოგადოებაში რა გეიაღლუმები აუტყდათ. ხომ ზუსტად იციან რაც მოყვება?! მაინც ცხვირში ჩრიან საზოგადოებას - დღესვე მიგვიღეთ და გვაფრიალებინეთ ჩვენი იდენტობაო. ზარალდება, ისედაც წაქცეული ქვეყანა. მაგრამ, საქმეც იმაშია, რომ იმ დღეს ეს უმცირესობა არ დაურბევიათ.
1. ეს პირველი შემთხვევაა, როცა გულით მიხარია, რომ ამ წერილზე არავითარი რეაქცია არა გაქვთ. დადებამდე ბევრი ვიფიქრე, ღირდა თუ არა. ბოლოს გადავწყვიტე, რომ გაჩუმების უფლება არ მქონდა და საკუთარი აზრი უნდა დამეფიქსირებინა. ნათქვამია, როგორც ქუხს, ისე არა წვიმსო. ეტყობა, მდგომარეობა არც ისეთი საპანიკოა, როგორც გარედან ჩანს და შემოქმედი ახალგაზრდობა - ანუ საზოგადოების ყველაზე მგრძნობიარე ნაწილი თუ ასე მშვიდია, სანერვიულოდ არ უნდა იყოს საქართველოს საქმე. ეს პირველი შემთხვევაა, როცა გულით მიხარია, რომ ამ წერილზე არავითარი რეაქცია არა გაქვთ. დადებამდე ბევრი ვიფიქრე, ღირდა თუ არა. ბოლოს გადავწყვიტე, რომ გაჩუმების უფლება არ მქონდა და საკუთარი აზრი უნდა დამეფიქსირებინა. ნათქვამია, როგორც ქუხს, ისე არა წვიმსო. ეტყობა, მდგომარეობა არც ისეთი საპანიკოა, როგორც გარედან ჩანს და შემოქმედი ახალგაზრდობა - ანუ საზოგადოების ყველაზე მგრძნობიარე ნაწილი თუ ასე მშვიდია, სანერვიულოდ არ უნდა იყოს საქართველოს საქმე.
|
|
მონაცემები არ არის |
|
|