წუხდა მწუხრი ჩამქრალ ბუხარს,
ცა - რუხ ღრუბელს თვალსაკიდზე.
ქუჩამ ქუჩას რაღაც უთხრა,
ცივი ქარის გადამკიდემ...
ზღურბლზე დეკემბერი იდგა,
ყინვის მჭვირვალ ჭიქა-ბროლით.
ამოეცვათ თეთრი წინდა
ხეებს ახალმოსულ თოვლის...
იორთქლავდა მგზავრი  თითებს,
იქცა ყინვა სარკმლის მხატვრად.
ეცემოდა ფიფქი პირქვე,
აუხდენი დარჩა ნატვრა....
იფარებდა ფარდებს მინა,
ინახავდა სითბოს სახლი.
ცაზე მთვარეს არ ეძინა,
გზა- გზა მიჰყვებოდა მარხილს...
ქრიშობისთვეს ეცვა ქურქი,
თოვლის პაპის სამოსივით.
გარემოს კი ფერი მუქი
თეთრად ჰქონდა გამოცვლილი...
      10.12.21