ჯორჯ გორდონ ბაირონი - დაბნელდა  სული (ებრაული მელოდიებიდან)

დაბნელდა სული - მომართე ჩანგი,
სანამ მუსიკის ჯერ ძალმიძს თმენა,
თლილი თითებით საამო ჰანგი
აახმიანე, დამიტკბოს სმენა.

ეძვირფასება თუკი ნუგეში,
გულს კვლავ მონუსხავს ჰანგების ჩქამი
და მიჩქმალული ცრემლი უპეში,
წამსკდება - ტვინში ჩამიქრობს სახმილს.

ველური იყოს დაკვრის ყაიდა,
არ მსურს მომესმას ჰანგი გამრთობი,
მუტრიბო, გული თუ ვერ ატირდა,
გაიბზარება ბედის ბასრობით.

გული, ნაკვები გაბედითებით,
ხასიათს ვეღარ გამოისწორებს,
ან უნდა გასკდეს მძიმე კირთებით,
ან დაემონოს ჰანგთა სიმწყობრეს!

27 დეკემბერი, 2022 წ.


ორიგინალი იხილეთ აქ:  https://en.wikisource.org/wiki/The_Works_of_Lord_Byron_(ed._Coleridge,_Prothero)/Poetry/Volume_3/Hebrew_Melodies/My_Soul_is_Dark