ისევ ვიხსენებ ჩემთვის განვლილ წლებს,
კიდევ მრავალი წელი მიძევს წინ...
ვიდრე ვარსებობ, რა დამავიწყებს
სახეს მედეა ჯაფარიძესი.

ისევ ვიხსენებ ერის იმ შვილებს,
თავიანთი რომ დასტოვეს კვალი...
არ დავივიწყებ მამულიშვილებს,
ვინ ვარ? - ძველ კოლხთა შთამომავალი.

ვიდრე სიკვდილი მეც დამამუნჯებს,
მკერდში ტკივილი ხანჯლად გამჩრია...
საქართველოა ჩემი საუნჯე,
მე სხვა საუნჯე არ გამაჩნია!