ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: მარიბ23
ჟანრი: პოეზია
8 იანვარი, 2025


  ჩამოტვირთვა

შემოდგომის ვალსი

დღეს შემოდგომამ საცეკვაოდ გამომიწვია,
ასე - უბრალოდ შემომიღო სულის კარები
ხელმკლავგაყრილმა გალანტურად დიდხანს იწვიმა ,
სინორჩის კაბა შემომაძრო ვერნაკარები.

ვიცი რომ უკვე არ დავრჩები მასთან მე ვალში
და ისიც ვიცი - მისი მოსვლა მიქადის რასაც,
ამიტომ უნდა შევასრულო პირველი ვალსი,
სიყმაწვილისთვის გაბრძოლების სულ ბოლო ფასად.

ფეხი ავუწყე შემოდგომას ცეკვაში ნელა,
ვცეკვავ - და მაინც მწყდება გული რატომღაც ამ დროს,
რადგან გზის იქით ულამაზეს ქალბატონს ვხედავ
თუ როგორ ვნებით ეცეკვება ზაფხული ტანგოს.

კომენტარები ილუსტრაციები რეცენზიები