 | ავტორი: დებორა
ჟანრი: პოეზია
13 სექტემბერი, 2026 |
#ლექსები
ნინო დარბაისელი
ეგვიპტე. ჰატშეფსუტი*
(სონეტი)
- შენი სიყვარული
უდაბნოს სილაში მარხია.
წლობით დაფარული,
აქამდე ვერც ვინ შეარხია.
კვლავაც ქარებია -
- თვალების ცრემლებით ამვსები,
ვერ მიჰკარებია
შენს ხსოვნას ნესტი და ხავსები.
ლანდო - ჰათშეფსუტის,
ხილვავ თანამდევი მხევლისა,
ჟამთა შენასრუტის -
მსხვერპლისა თუ საკურთხევლისა.
ახალნი - ხმებიან,
აქ - ათასწლოვანი ხმებია.
_ _ _
* (ქალი-ფარაონი. ზოგი ვერსიით, ებრაელთა მოსეს აღმზრდელი. მეტოქე თუტმოს III- მ სცადა ყ ელგან მისი კვალის წაშლა, რასაც ადამიანები ანადგურებენ, ქვა - ინახავს)
#ლექსები
ნინო დარბაისელი
პარიზი
(სონეტი)
ვართ მნახველები ამერიკიდან,
ვერ დაგვადებენ, ვიცი, აქ ვალებს,
ფიქრობენ ჩვენზე - “ლამის გვიყიდა”
მე კი - დავეძებ ქართულ ნაკვალევს.
სულ სხვაგვარია თურმე მონმარტრი,
არა - როგორიც წარმომედგინა…
ესეც მრავალზის ჩემი ნანატრი,
ჩვენ “გრანდ ოტელში” დავიდეთ ბინა.
ვნახე როდენი, ვნახე ორსეი
და ეიფელის კოშკიც ვიხილე.
სავსეა ქუჩის მუსიკოსებით,
მიმოდის ხალხი - სულ მოღიღინე.
მსოფლიოს ნახვა ეყოფა? რისი?
უძლებს მნახველებს მჭიდრო პარიზი.
| კომენტარები |
ილუსტრაციები |
რეცენზიები |
|
| მონაცემები არ არის |
|
| მონაცემები არ არის |
|
|
