კლდიდან გადმომსკდარი ჩანჩქერის ქვაზე ასხლეტილი წვეთი...
მასში მომწყვდეული მზის თვალი - მშვენება სიბნელის მკვეთი...
ფერდზე შეფენილი ბალახის ნიავზე მოლივლივე ზღვა...
ვაჟების ჟინი კეჭნაობის - არა,არ მაჯობოს სხვამ...

ხეობას მორიალე არწივის მეფური გამოხედვა თვალის...
წყაროსკენ ბილიკზე ფეხის ხმა პატარა ხევსურის ქალის...
ვაჟკაცთა შემოძახილები მტრისად დამტეხავი მეხად,
დიაცთა ჩუმი წარბის შეკვრა და თვალში გამომკრთალი წყენა...

ბერიკაცთ ღრმა ამოოხვრები, ხსენება გარდასულ დღეთა -
"ერთ დროს რა ვაჟკაცნი ვიყავთ,არ იყოს სიბერე ნეტავ!"
...ერთ დროს ხომ ასეთიც იყავ, და კიდევ უკეთესიც ალბათ.
ახლა რა დამხვდება შენგან, როდესაც მოვალ და გნახავ?!...
                                                         
                                                                            26.07.2007