ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: ნეკერა
ჟანრი: პოეზია
27 აპრილი, 2009


დამნაშავის ფსიქოლოგია

დამნაშავე ხარ უჩვეულოდ!
და როგორც ყველა,
ფსიქიურად ხარ მიჯაჭვული
„შემთხვევის“ ადგილს.
გონებით ხშირად უბრუნდები
წარსულ „შეცდომას,“
ფიქრობ - დრო როგორ დააბრუნო,
რომ ასცდე სასჯელს?

და შემდეგ ჯერზე,
პერიმეტრზე - ქალის სხეულზე,
არ დაგეფანტოს
სამხილებად ანაბეჭდები...
სიჩქარისაგან წარსულში
რომ უხვად დატოვე
და ცოდვის მზიდავს
ჩაგზნექია თითქოს ბეჭები...

რის მაქნისია სინანული
ახლა, გვიანი?
გავლებამ გაგთქვა, ნაკვალევის, -
ბაგით, თითებით...
დამნაშავე ხარ და ამიტომ,
როგორც წესია,
სულ უფრო ხშირად
მიბრუნდები ხოლმე ფიქრებით...

რის მაქნისია სინანული
ახლა, გვიანი...


კომენტარები ილუსტრაციები რეცენზიები