ს ა მ ო თ ხ ე
---------------------------------

გარეთ წვიმს,
მზე ღრუბლებიდან
მაღლა ამოსვლას ცდილობს.
ოთახში სხედან მამა და
შავტუხა ბიჭი ილო.

_მამა,სამოთხე სად არის?_
შვილი შესცქეის მამას,_
მასწავლე…რომ გავიზრდები,
მის სანახავად წავალ.

_სამოთხე?_მამა იცინის,_
ჩვენს ოთახშია,აქვე,
ახლოს,სულ ახლოს, არსებობს,
ღამეებს ჩვენთან ათევს.

_აქვეა?_ილო დაიბნა
და კიდევ პასუხს ელის,
მამა წამოდგა,მოხვია
მტკაველა მხრებზე ხელი.

_აბა,ამ რუკას შეხედე_
მოჩანს ქვეყანა ბევრი,
ორ ზღვას შუა რომ მიწაა,
პატარა,ოქროსფერი,_
საქართველოა,გახსოვდეს,
ეგ სამოთხეა შენი!