ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: მწვანეთვალება
ჟანრი: პოეზია
14 მაისი, 2008


XXX

საქართველოში შენ ერთადერთი არა ხარ
      ვისაც შერჩა იმედი. . .
ბევრი იხსენებს ბედნიერ წარსულს
და ყველა ცდილობს შეიძინოს ბოლო ბილეთი
მატარებელზე, რომელიც მიდის. . .
მიდის და მიდის. . .

თვალწინ ჩაგვივლის ძველი ფიქრები
და ძველ განცდათა ფერისცვალება,
მაგრამ აჩრდილთა არდავიწყებით
კვლავ არაფერი არ შეიცვლება.

გაივლის წლები, საუკუნენი
ისტორიაში ჩაწერენ სიტყვას.
არვინ იკითხავს ამ სიბნელეში,
მატარებელი ვის, საით, მიჰყავს?!

და ყველა მგზავრი აძაგებს აწმყოს,
მისტირის წარსულს, ელის მომავალს.
“არ მოუშალო ამ ხალხს იმედი,”-
მე ვევედრები მეუფეს მაღალს.

“გზა მშვიდობისა! გზა მშვიდობისა!”-
მინდა ვიყვირო მთელი ხმით ბნელში.
“გზა მშვიდობისა! დაბრუნებამდე
დაე, გფარავდეთ მაღალი ღმერთი!”

                      16.06.1999წ.

კომენტარები ილუსტრაციები რეცენზიები