ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: ნეკერა
ჟანრი: პოეზია
21 მაისი, 2008


ყავის ჭიქა


გადმოტრიალდა ყავის ჭიქა,
გაშრა ნალექი...
ახლა დახატავს ჩემს იმედებს
მკითხავი ქალი,
ბედის გრაფიტი,
ჭიქის ფსკერი,
დრო და ნაღველი.
ჭიქის ფსკერი კი-
ო, რამხელა ასპარეზია
ოცნების და ხატოვანი ტყუილებისა,
ოსტატურად დაწერილი შავი ლეგენდის,
გულის სიღრმეში რომ გსურს გჯეროდეს...
ამოაბრუნე ყავის ჭიქა
კარგო მკითხავო,
ზღაპრის გუდას მოხსენი თავი,
მომატყუე,
მითხარ რამე გულისსაამო.

კომენტარები ილუსტრაციები რეცენზიები