ნაწარმოებები



ავტორი: დავით შემოქმედელი
ჟანრი: პოეზია
21 ივლისი, 2009


ციკლიდან_"ხალხურ მოტივებზე"

სიცოცხლე გაბეზრებული,
სიკვდილსაც აღარ სჭირდები,
ცა ნისლებდაბებრებული,
უვაზნოდ თვლემენ მჭიდები,
ცოტას თუ წაუღიღინებ,
უფრო მეტს წამოტირდები,
ამ ცრუსოფელში დამცრული,
ზესთასოფლისკენ იზრდები...

* * *
არ ინაღვლოღა მინდია,
“წუთისოფელი ბინდია”,
სამყარო, გულზე პატარა,
მაგრამ ცა-რგვალზე დიდია.
სიცოცხლე სიკვდილისაკენ
შემაერთები ხიდია.
აქ თუ დროება გველმრუდობს,
მაღლა, უფალი დიდია!.


კომენტარები ილუსტრაციები რეცენზიები