არ ვიცი ვინ ხარ და არც ის ვიცი დიდ კუნძს ,,სიცოცხლის ხე” რატომ დაარქვეს. უცნაურია, პატარა გოგო მაინც გაოცებული თვალებით ათვალიერებს და რაღაც სისულელეებს ლაპარაკობს.

-- ნახე, ნახე ის ბოროტი ბაბუა როგორ გვიყურებს...
-- ეგ ბოროტი ბაბუა კი არა ვერ ხედავ? ანათებს.
-- სად აბა?
-- ბაბუა არა ის... ნეტა რატომ მომწონს უშნო ბიჭები?
-- შენც უშნო ხარ და იმიტომ... განა მართლა... რა ვიცი რატომ მოგწონს... ნეტა მართლა რატომ ?
-- შენ?
-- რა მე?
-- შენ როგორები მოგწონს?
-- რავი გიჟები...
-- მდაა. არა რა, მართლა მითხარი რა...
-- ხო კაი, რატომ მოგწონს...რატომ.. რა.. აუ ლამაზი ხარ ეეეე…... გამანებე რა თავი. მე რა ვიცი რატომ მოგწონს, დავიძინებ და მერე გეტყვი, ძილში.

***
იცი, იმ ხეს ერთიცალი ფოთოლიც კი არა აქვს, ტოტების ნაცვლად რაღაცეები ამობურცვია და იმ აქლემს წააგავს, ვიღაცამ სასაცილო არაბს, რომ მიუხატა და მერე ულვაშებიანი მძინარა  დაარქვა.
მგონი ყველა გაგიჟდა. გუშინ ჩემმა ტელეფონმაც გარეკა და მერე დარეკა....მოსაუბრეც იყო რაა. არ მინდოდა დამერეკა და მაინც ზარი გამოვიდაო...მერე ეკრანზე არარსებული ციფრები დაიხატა და...მოკლედ აღარ მახსოვს დამეძინა.

***
იმ ბოროტ ბაბუას თავზე უშველებელი მზე დაჰნათის და სინამდვილეში ბოროტი სულაც არაა.

-- აი მაინც რატომ მომწონს...
-- აუ არ ვიცი...ღამე არ მითქვამს?
-- არა, მარტო მაღვიძებდი ადექი ნახეო. ოღონდ რა უდნა მენახა ეგ აღარ გითქვამს. ხოდა მეც ძაან რომ შემაწუხე გადავბრუინდი და ძილი გავაგრძელე.
--ეე მერე გენახა ეტყობა პასუხი იყო.
--  დებილი ხარ რა. არადა რა კარგად მეძინაააა.
-- მე გაღვიძებდი? დებილი თავი გაბია მეც მეძინა.
-- მაშინ რადიო ხარ.
-- ხო კაი ვარ მერე რა?
-- რადიო აბა პასუხი იყოო ... მითხარი რა
***
ბოროტი მათლა არაა. მისი მზე ვან გოგის მზესუმზირის ფერია და საერთიდაც მე ამ კითხვაზე როგორ უნდა მეპასუხა როცა ისიც არ ვიცოდი სულელურ წერილს ვის ვუწერდი.
და მაინც, ვერ გავიგე რატომ მოგწონს შენ უშნო ბიჭები და მე, უფოთლო  ,,სიცოცხლის ხე”...