ნაწარმოებები


ურაკპარაკის მობილური ვერსია!!!     * * *     შეიხედეთ თემაში: ურაკპარაკის ფორუმი >> ლიტერატურული საიტის შესახებ >> ურაკპარაკის მობილური ვერსია - http://urakparaki.com/?m=13&Forum=1&Theme=1509

ავტორი: იმო ჯახუანი
ჟანრი: პოეზია
29 სექტემბერი, 2009


მ ა ფ შ ა ლ ი ა

ვარიაციები 
მეგრული  სიმღერების  თემებზე

    (ფრაგმენტები)

მაფშალიას  ვასაჭირუ
ვართ  ციხე  დო  ვართ  გალია...
თიშ  ღურჭული  არჩქილენი,
გურს  მეუღუ  ხვართქალია...
ვარა  მუში  მასკვამა  რე
კუდელჲმიოკვათალია,
ჩქიმჲ  ჭიჭე  მაფშალია,  ნა...

ოჭვჲმარე  დო  ონჯუასჲ
მაფშალია  მახარენსუ,
თიშ  ხონარი  სკანდე  ჭვირსჲ
გურსჲ  გამიახალენსუ...
თენა  ხოლო  ვაპუნდასუნ,
მუ  მოხვარუ  მა  ხვალესუ?!.
ჩქიმჲ  სკვამი  მაფშალია,  ნა...

მუ  დიდაქჲ  გუგორჩქინუ
ჩქიმჲ  გურიშჲ  მათახვალო?!.
ჩქიმჲ  ზისხირი  ღვინო  ვერგუ
ვართ  ჯვეშო  დო  ვართ  ახალო...
ღურელჲ  ვარა  ქეშემცოდე -
ქეგმონგარი  ხანდახანო..,
ჩქიმჲ  მანგარალჲ  მაფშალია,  ნა...

მა  ქიანა  უსკანეთუ
ვამიღირუ  კინტირიშა...
ჩქიმი  გურიშ  გაჭირება
ვერაგადე  მითინიშა...
დუდი  მიკატახალჲ  მაფუ
ტკილიშა  დო  ქვითკირიშა  -
ართიქ  ვამახუტოლინუ
სკანი  სკვამი  კიდირიშა,
ჩქიმჲ  მაჭუალჲ  მაფშალია,  ნა...

კომენტარები ილუსტრაციები რეცენზიები