წამლები თაროზე უტყუარი ნიშანია:
შენ უჩემობა დაგემართა,
უკვე მერამდენედ...ისევ შეგიბრუნდა.
იღებ ჩემს სიტყვებს, მწვანე სითხეა
და ყელში ივლებ...ჩემი სიტყვები ახლა  შენია
და შეგიძლია ამოთქვა ხოლმე.
მე შემაწუხეს
შენ შეიძლება დაგეხმარონ...
შეგიძლია ჩემი სითბო მოიხურო,
ოფლს მოიდენ და გეშველება...
მერე ისევ უჯრაში შეინახე, ძველებურად,
იყოს თავისთვის,  სანამ ისევ არ აგტკივდება-
ნუ გაიხსენებ...
სულ ცოტათი თუ დაიკუჭა , არ დაიწუნო
ალაგ ალაგ, თუ გამოირღვა რა მოხდა მერე...
ასე იცის, თუ არ მიხედე გაჟონავს ხოლმე...
ეგ არაფერი...
მერე აიღე სიცხის საზომი, შიგ მე ვარ,
არ დამღვარო-ცოტა ფრთხილად
ადვილად ტყდება ჩემი სხეული....
სულ ხუთი წუთი დაიცადე, მერე შემხედე
ვუჩვენებ სიკვდილს-არ შეგეშინდეს
რა დროსია ავადმყოფო...ახლა მიხვედრა
რომ ისეთი უჩემობა დაგემართა -მეც ვერ გიშველი