მუსიკა ექოებისა,
ცისა და სალამურისა.

სხვა სივრცეების წყურვილი,
ფეთქვა ახალი წყლულისა.

ვარსკვლავთა მტვერით მბრწყინავი
შავი ტალღები ხნულისა.

ულამაზესი ტკივილი
შობის და აღსასრულისა.

***
პირისპირ დავრჩით,სიკვდილო,
სხვა ავდარი და დარია.

დედა,ჩვენ შორის რომ იდგა,
თანდათან ჩაქრა,მკვდარია.
სითბო მოაკლდა ქვეყანას,
ცის მხარეები მკრთალია.

***
ქალი_სამოთხის საფერი,
ამყვავებელი ფიქრისა,
ხან_ვარსკვლავების დუმილი,
ხან_მელოდია ცისკრისა,
სიტყვის ნათებად ქცეული
სითბო მზიანი ნისლისა,
გონების კოშკში გულიდან
შემონათება სიზმრისა...

ზვარაკი სიყვარულისა,
ვით ცისარტყელა სივრცისა.