ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: ნეკერა
ჟანრი: პოეზია
13 ოქტომბერი, 2009


სასაცილოა

(თეოს)

სასაცილოა...
გვენატრება ზოგჯერ ტკივილი
იმდენად,
ლამის დავეძგეროთ საკუთარ მაჯებს
კბილით საჯიჯგნად...
მოთამაშის აზარტი ახლავს
მაზოხიზმის სენს...
ხოლო დოზა თავად განსაჯეთ.
მაგრამ...
იცვლება ყველაფერი.
და ყველა ფერი
რომელიღაცა ტონალობის
არის შემცვლელი -
როცა იზომებ ყელზე მარყუჟს
და სუნთქვას იკრავ,
უფლის წყალობად - შეგაჩერებს
უფსკრულთან მცველი...
ჰოდა, ნუ ჩქარობ!
საფეთქელთან ყოფნა-არყოფნით
დატენილ რკინით რად ეხები
სახის რბილ ოვალს?
სიკვდილი,
როგორც სამსახურში წასული ქმარი,
დაიგვიანებს,
მაგრამ ბოლოს თავისით მოვა.

კომენტარები ილუსტრაციები რეცენზიები