ნაწარმოებები


ახალი კონკურსი “ლილე-2020“     * * *     დაწვრილებით ფორუმზე: ურაკპარაკის ფორუმი >> კონკურსები >> ლილე-2020     * * *     http://urakparaki.com/?m=13&Theme=1519     * * *    

ავტორი: დავით შემოქმედელი
ჟანრი: პოეზია
10 ნოემბერი, 2009


მინიმალისტური პოეზია

იელების ყვითელ ხანძარში
შენ შეგამჩნიე გულთეთრა ჩიტო,
მაგრამ ვერაფრით ვერ დავადგინე,
ვის უგალობდი...

* * *
ჩემს ბავშვობასთან წაგეყვანე,
სოფლის ბილიკო,
სასაფლაოსკენ როცა გარბიხარ...

* * *
ჩემი უძილო ღამეებიდან
შენს მარადიულ ძილამდე,
რამდენი გრძელი ზამთარია,
დედა!

* * *
რას მეტყვი, ცაო,
უხიფათო შენაც არა ხარ,
სამხრეთის ცაზე
წუხელ ძერამ გადაიფრინა...

კომენტარები ილუსტრაციები რეცენზიები

საიტის წევრს ნიკით:  გიორგი ებანოიძე ვულოცავთ დაბადების დღეს