აი ცოტაც და დაათოვს ქალაქს
        ნელა, გულდასმით,
        ყველა კარი დაიხშობა, დაიკეტება,
        დიდხანს შეყეფენ შეცივნული ძაღლები ჩრდილებს,
        ეს კომედიაც დასრულდება როგორც ყოველთვის...
        მე შენს ფანჯრებზე გავითბობ ხელებს...

          **      **      **      **      **      **

        შენს სათქმელს ისევ ქარი მეტყვის, მწარე სიმართლეს,
        მერე წავალ და შენს მაგივრად ხელს მომხვევს სევდა...
        დავიჯერებ, არ დავიჯერებ...კომედია დასრულდება,
        როგორც ყოველთვის,
        შენ არ ხარ ჩემთან... შენ არ ხარ ჩემთან...

        **      **      **      **      **      **

        მშვიდია ღამე,
        შენ კი ვერ მიხვდი,
        თუ რა მათბობს შენს ცივ ფანჯრებთან...

        **      **      **        **        **      **

      მშვიდია ღამე...
      ეს კომედია დასრულდება, (როგორც ყოველთვის)
      შენ არ ხარ ჩემთან...
      შენ არ ხარ ჩემთან....


              (2009) 11.26.  სერგეი ნეველი.