***
ყველას_უბრალოს და  ბ რ ა ლ ი ა ნ ს
ძ ა ლ ი ა ნ  უხარია,რომ ღმერთი ყველგანაა
და მზე სიყვარულის  ზ ა რ ი ა.

***
გამოჩნდა ცა.განათდა  მ თ ა წ მ ი ნ დ ა,
ტ ა ძ რ ი დ ა ნ  გამოვედით
და გულში უფლის სიტყვა  გ ა ბ რ წ ყ ი ნ დ ა.

***
ცის მელოდიები.დუმილი ქ ნ ა რ ე ბ ი ს.
ბ ზ ა რ ე ბი_სამყაროს შექმნის დროინდელი
და გულის სევდიანი თ ვ ა ლ ე ბ ი.

***
ბავშვობის დროინდელი კაბები_
ძაფების ლამაზი ფერმკრთალობა,
სურნელი შორეული ზღაპრების.

***
ღრუბელთა სიახლოვეს ავსება სურების,
გულები_უფლის სითბოთი დანამული,
მზის ნაპერწკლიანი ხნულები.

***
მოყვასი იმეტებდა,უფალი სწყალობდა,
გალობდა ხატში ამოსულ იასავით,
ცას ესაუბრებოდა წინაპრის კალოდან.

***
თვალები ფურცლისა_ინიციალები,
ივლისის ალები და ფიქრის ფორიაქი_
საიდუმლო ვინ იცის ზარების?

***
ფუჩეჩში გოჭებივით შემძვრალი ტაროები.
წყაროების ბროლი და მელოდია.
სურნელი ბეღლების.ნათება კალოების.

***
ბაღი მზესა და წყაროს ელის,
ნამო,ლელის სიხარული ხარ
და_მშვენიერება სამოსელის.

***
ლექსი,წყაროსავით მოქნილი
/ქორწილი გულისა და ზეცისა/,
უბრალო პაპისეულ დოქივით.

***
ბებერი ნივთები,წარსულის მტვრიანი,
ტიარის ფერფლი,წყალს გატანებული,
სიჩუმის სევდიანი შრიალი...

***
ბრკიალი ნაკადულის,კრიალა რკალები,
ზარების წკრიალი_მზის საგალობელი,
სიმშვიდე ქნარების...

***
თავდავიწყება თქორის,ხნულების,
მთრთოლი გულები და ყველგან,ყველგან
ფერები_ზეცის მოციქულები.

***
ბაღმა მოიწყინა დაღონდა წყალიო
ალიონს ვეკითხები(და მერე საღამოს)
სადაა ან როგორ არიო...

***
ბალახში სინაზე კრაველის
რაველის მუსიკა_სიჩუმის მშვენება
და მზესთან მოსაუბრე თაველი.