ვწევარ და სითბო 17 გრადუსია,
სინოპტიკოსი კი წვიმას ვარაუდობს,
ჩემი თერმომეტრი სიცხეს გაუვსია,
41-ია და კუბოს სხვა რა უნდა...
იმდენად ბევრია სიცხე და გრადუსი,
სკალაზე ციფრები აენთო აპრილად,
მო, ხელი თერმომეტრს შენებურ გადუსვი,
თორემ აქ სტროფები სიცხისგან დაყრილა,
თუ არ გამინელდა მაგათ რა გამოლევს,
სტროფებიც ჩემსავით გათანგულკვდებიან,
ხვალ მაგ სხეულიდან როგორმე გამოდი,
ხვალ ჩვენი სულები ერთმანეთს ხვდებიან...
... პირველად გვექნება უცხო პაემანი,
პირველად მოძებნი ჩემს ტუჩებს სიცხიანს,
ვაითუ შემრცხვა და სადმე დავიმალე,
ვაითუ ხვალ ტუჩზე პომადა მიცხია...