...რა ლამაზია ქალაქის ცენტრი,
                    რა ლამაზია...
                    მაკ-დონალდსი, კოკა-კოლა, და პოკერ-კლუბი,
                    გენიალური სიმბიოზია
                    შენ და ესენი...
                    პროვინციელო, არა, არ მძულხარ
                    და არც დაგცინი
                    მხოლოდ არ გესმის
                    როგორ მშურს შენი!
                    შენ მისეირნობ რუსთაველზე,
                    და შენს ტელეფონს....
                    ჩინურს,(უსაშველოდ დიდი ეკრანით) სონი-ერიქსონს
                    არ აქვს ფუნქცია რომ შეგახსენოს
                    როგორ იხრჩობი სევდის ქალაქში,
                    მაგრამ ვერა გრძნობ...
                    შეხედე მეტროს, როგორ გავრბივართ
                    ვირთხებივით, ჩვენ, ყველანი, როგორ ჩავყვინთავთ
                    მის წიაღში, მივიჩქარით ჩვენს ბეტონის სარკოფაგებში
                    რომ ხვალაც იგივე გზა გავიმეოროთ...
                    არა, არ მძულხარ!
                    მხოლოდ მინდა რომ შეგახსენო,
                    ნუ იტანჯები,
                    ნუ იტვირთები,
                    და ნუ დამძრახავ...
                    ჭეშმარიტია ეს სიტყვები!
                    დაბრუნდი, სადაც ცაზე ყველა ვარსკვლავი
                    მოსჩანს და სადაც
                    ჟანგბადითაა გაჯერებული ტყე და მინდორი...
                    მგონია უფრო იქ ხარ საჭირო!...
                    ნუ იტანჯები,
                    გახსენი შუბლი...
                    გახსენი კარი...
                    გახსენი გული...
                    თუ გინდა დარჩი...
                    ანდა დაბრუნდი...
                    მე  შენ  მიყვარხარ,  პ რ ო ვ ი ნ ც ი ე ლ ო ! ! !


                            06.02. (2010)  ს. ნეველი.